MENU
klinika

"Do na marrë malli për burra të tillë"

Ndahet nga jeta ish-deputeti socialist, Meta shpreh ngushëllimet

24.05.2020 - 17:03

Ish-deputeti socialist Niko Faber është ndarë nga jeta ditën e sotme, si pasojë e një ataku kardiak.

Presidenti Ilir Meta me anë të një postimi në facebook i ka shprehur ngushëllimet e tij familjes së të ndjerit.

Ai thotë se “do na marrë malli gjithnjë e më shumë për burra të tillë, patriotë, me dinjitet dhe kontribut qytetar”, ndërsa shprehet se për kontributin e tij do të mbetet gjithmonë i nderuar.

“Lajm shumë i trishtë dhe befasues për mua ndarja nga jeta e ish-deputetit Niko Faber.

Kontributi i Tij publik, si në Korçë dhe në nivel kombëtar do mbetet gjithmonë i nderuar.

Do na marrë malli gjithnjë e më shumë për burra të tillë, patriotë, me dinjitet dhe kontribut qytetar.

Jam pranë familjes Faberi, të afërmve dhe të gjithë miqve të Tij në këtë ditë tragjike.

I përjetshëm kujtimi i Tij”, shkruan Meta.