Një protestë paqësore është organizuar në Padova nga shqiptarë dhe italianë në mbrojtje të Teatrit Kombëtar të shembur si sot dy javë më parë në Tiranë.
Sipas medias italiane, protesta e organizuar nëpërmjet rrjeteve sociale është mbajtur para Pallatit Moroni në Padova. Oranizatorët qytetarë italianë dhe shqiptarë kanë shprehur ndjeshmërinë e tyre për trashëgiminë kulturore shqiptare.
“Dy javë më parë në 4:30 të mëngjesit në Tiranë, një vend pranë Padovas, pranë Italisë u shkatërruar një simbol kulturor që duhet të bashkonte këto vende. Ne kemi nevojë për kulturën, për urat që lidhin dy anët sepse është e shkuara jonë prezente dhe e ardhmja. Trashëgimia kulturore duhet t’iu përcillet brezave të rinj. Për këtë arsye ne dënojmë shembjen e Teatrit Kombëtar të ndërtuar nga italianët dhe dënojmë edhe dhunën e përdorur nga policia kundër intelektualëve, kundër popullsisë civile”, tha Elda Omari, arkeologe dhe historiane e arteve.
“Në bashkëpunim me miqtë shqiptarë, duke konsideruar faktin që Puglia është shumë afër Shqipërisë jemi këtu për të treguar solidaritetin tonë”, tha Presidenti i Shoqatës Pulieze në Padova.
VAZHDO TË LEXOSH MË TEPËR PËR TEMËN
“Boll se u teprua”/ Rama publikon qëndrimin e Bujar Asqeriut për Teatrin!
“S’varet nga gjatësia sa i zgjuar je”/ Aktori-Ramës: Do gjesh belanë
Ligji për Teatrin, Meta bën lëvizjen e radhës
