28.05.2020 - 13:42
Receta per: 4 persona
INGREDIENTËT
- 300 gram panxhar
- 250ml kos
- 4-5 thelpinj hudhër
- 2 lugë gjelle vaj ulliri
- Kripë, Piper i zi
- Majdanoz i freskët
UDHËZIMET
- Vendosni panxharët e qëruar për të zierë.
- Lërini në zjarr për 20-30 minuta dhe pasi të jenë zbutur mund t’i shponi me një thikë apo pirun.
- Mos harroni se pasi t’i keni hequr nga zjarri panxharët, t’i fusni menjëherë në një tas me ujë të ftohtë.
- Pasi të jenë ftohur pritini në feta jo shumë të trasha.
- Përgatisni salcën me kos dhe hudhra duke shtypur thelpinjtë dhe duke i përzierë me kosin, kripën, piperin dhe majdanozin.
- Këtë salcë hidhjani sipër panxharëve të zierë e të prerë në feta.
- I përzieni mirë dhe sallata është për t’u shijuar. Nëse e doni më të ftohtë mund ta ruani në frigorifer për disa minuta.
