MENU
klinika

Falas, vizitorët e parë!

Vjena rihap muzetë

20.05.2020 - 10:49

         Janë katër muze në Vjenë, që do t‘u mundësojnë vizitorëve hyrjen falas, gjatë dy ditëve të para të hapjes. Pas mbylljes për disa javë, muzetë e parë në Vjenë, hapën përsëri dyert më 15 maj. Muzetë e tjerë, do të hapen gjatë ditëve në vijim, njoftojnë mediet e huaja.

Ashtu sikur biznese të shumta në Austri, edhe shumë muze në Vjenë po provojnë mënyra të ndryshme për të joshur vizitorët dhe adhuruesit e kulturës dhe artit. Të katër muzetë vjenezë, do t‘u mundësojnë vizitorëve hyrjen falas për dy ditët e para.

Muzetë “Mozarthaus”, “Jüdisches Museum“, “Kunst Haus” dhe “Haus der Musik”, më 31 maj do t’ i rihapin sërish dyert për vizitorët. Në këtë ditë, të dielën dhe të hënën, pra më 1 qershor, të interesuarit mund të vizitojnë falas muzetë dhe ekspozitat e preferuara.

Ndërkohë, muzeu “Leopold”, që do të hapet më 27 maj, mundëson hyrjen falas për 100 vizitorët e parë, kurse më 28 maj, blerësit e parë të biletave në internet, do të përfitojnë zbritjen prej 50 për qind të çmimit të plotë të biletës.

Në të njëjtën kohë, prej 1 majit, tashmë është hapur edhe kështjella e bukur, në Laxenburg.

VAZHDO TË LEXOSH MË TEPËR PËR TEMËN


I pari teatër shqiptar

‘Dasma e Lunxhërisë’ më 1874

Profeti Muhamed për krishtërimin

“Askush prej myslimanëve nuk guxon”