Merr fund telenovela e sulmuesit argjentinas Mauro Icardi, që këtë sezon ishte i huazuar te PSG, ku arriti të shënojë 20 gola dhe të tregojë edhe njëherë aftësitë e tij të mëdha në fushë.
PSG kishte mundësinë ta blinte për shifrën e 70 milionë eurove në kontratën e firmosur me Interin, por pandemia ka sjellë të tjera negociata, që janë finalizuar ditën e sotme.
Mauro Icardi signs Paris Saint-Germain contract until 30 June 2024
Paris Saint-Germain are delighted to announce the signing of Mauro Icardi on a permanent deal, following the striker’s loan from Inter Milan during the 2019-2020 season.https://t.co/fynMzu5Uw6 pic.twitter.com/3M48PSsXHh
— Paris Saint-Germain (@PSG_English) May 31, 2020
Klubi i PSG ka njoftuar në rrjetet sociale se është arritur marrëveshja mes palëve dhe bomberi argjentinas do të vazhdojë të luajë me kampionët e Francës. Presindenti Al Kelaifi do të paguajë 50 milionë euro në mënyrë direkte dhe 8 milionë euro bonuse në varësi të paraqitjeve të Icardit me fanellën e klubit më të madh në Francë.
Në kontratën e transferimit është firmosur edhe një klauzolë anti-Juventus. Në rast se Icardi kalon nga PSG në Torino, Interi do të arkëtojë edhe 15 milionë të tjera.