MENU
klinika

Pena e tij lexohet, përjetohet, mbetet…

10 thënie të goditura nga Kadare

03.06.2020 - 05:48

Ismail Kadare është njëri nga shkrimtarët më të shquar bashkëkohorë, i nominuar disa herë për çmimin “Nobel” në letërsi. Ai shquhet kryesisht për prozë, por ka botuar edhe vëllime me poezi dhe ese.

Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë. Deri më sot veprat e tij janë përkthyer në mbi dyzetepesë gjuhë të botës.

Në vitin 1996 Kadare u bë anëtar përjetë i Akademisë së Shkencave Morale dhe Politike në Francë. Në vitin 1992 u vlerësua me Prix Mondial Cino Del Duca; më 2005 fitoi Man Booker International Prize, më 2009 çmimin Princi Asturias për Artet, kurse në vitin 2015 Çmimin Jerusalem, e më 2016 presidenti francez ia ndau titullin “Komandant i Legjionit të Nderit”.

Për ata që i kanë lexuar librat e tij, gjuha e tij e thjeshtë për tu kuptuar por aq e larmishme dhe krijuese të mbetet gjithnjë në mendje pasi ke lexuar pjesë nga pena e tij. Kemi zgjedhur 10 nga shprehjet kuptimplotë të shkëputura nga veprat e tij:

Popujt, librat e tyre të mëdhenj, me gjak zakonisht i kanë larë.”

“Ata që shpikën shpejtësinë reaktive, larg Atdheut sigurisht do kenë qenë ndonjëherë!”

“Armiku mbetet armik, edhe i vdekur qoftë.”

“Ka gjithmonë kohë që njerëzit të bëjnë diçka për popullin e tyre.”

“Gjuha më e mirë se gjithçka tjetër jep shpesh dritën ose mjerimin e një kohe.”

“Të falësh nuk do të thotë të harrosh.”

“Ne mund të jemi gjithçka, veç një gjë nuk jemi: ajo që kujtoni ju.”

“Dëgjo… Është shumë e vështirë të diskutosh në mbretërinë e idiotëve.”

“Njeriu në jetë ka nevojë për 1 filxhan shkencë, 1 shishe kujdes, dhe 1 oqean durim.”

“Letërsia autentike nuk përputhet me diktaturat. Shkrimtari është armiku natyror i diktaturave.”