Hiqet tarifa për të hyrë në Kosovë, nuk ka më nevojë për dezinfektim të mjetit

Pas problemeve që shkaktoi në pikën kufitare të Morinës, ku mjete nga Shqipëria janë penguar nga pala kosovare, pasi duhet të bënin dezinfektimin, vjen një reagim nga ministria e Brendshme kosovare.

Përmes një deklarate zyrtare, thuhet se është pezulluar kontrata për dezinfektimin e mauneve që vijnë në Republikën e Kosovës.

NJOFTIMI
Pezullohet kontrata për dezinfektimin e mauneve që vijnë në Republikën e Kosovës.
Dezinfektimi i kamionëve parashihej në kuadër të masave për luftimin e pandemisë së COVID-19.
Nga ky moment importuesit nuk kanë nevojë t’i dezinfektojnë maunet në pikat kufitare.