Home » Aromë Shtëpie » Kallamare gatuar në tavë balte

"Receta e mamit"

Kallamare gatuar në tavë balte

06.06.2020 - 08:16

INGREDIENTËT

300-400 gr kallamare
4-5 thelpinj hudhër
1-2 kokrra domate e prerë
400 ml salcë
Kripë
Rigon
Piper
Pluhur hudhre
Rozmarinë
Spec djegës
Uthull/ verë e bardhë
Sheqer
Lëng nga zierja e kallamarëve

UDHËZIMET

Kallamarët i ziejmë jo plotësisht, i nxjerrim dhe i presim në copa.
Vendosim hudhrën në tigan në zjarr mesatar me vaj, spec djegës, rozmarinë, pluhur hudhre për aromatizim.
Shtojmë kallamarët e zier dhe të prerë dhe kaurdisim.
Në vazhdim, shtojmë domatet dhe vendosim kapakun.
Kur domatet humbin volumin, shtojmë sheqerin dhe uthullën e përziejmë dhe më pas shtojmë salcën e domates.
Ndërkohë që zihet shtojmë nga lëngu i zierjes së kallamarëve dhe shtojmë me erëzat e listuara më lart.
I lemë të ziejnë për disa minuta dhe më pas i kalojmë në tava balte duke spërkatur me pak vaj.
Kush i preferon pikante mund të shtojë sasinë e specit djegës në tavën respektive të baltës.
I pjekim në 180 gradë derisa të krijojnë një cipë dhe kallamarët të jenë gatuar sa duhet.