MENU
klinika

Pas testeve për Covid-19

Mbaron akthi, Tirana udhëton drejt Gjirokastrës

06.06.2020 - 18:41

Ende pa u plotësuar 12 orë (siç ndodh rëndom në testet anti-Covid-19), klubi i Tiranës ka marrë përgjigjen e tamponëve të bëra sot paradite. Bardheblutë mund të marrë frymë lirish pas ndeshjes së fituar me Bylisin.

Pasi lojtari i Bylisit, Eridon Qardaku, doli pozitiv me Covid-19, dhe ndeshja u zhvillua në Ballsh, Ministria e Shëndetësisë dha urdhër dje për kryerjen e testeve te Tirana. Futbollistët iu nënshtruan sot paradite testeve të Covid-19 në stadiumin “Selman Stërmasi” dhe fatmirësisht mësohet se të gjithë kanë dalë negativ.

konica sportkonica sport mobile

Kjo do të thotë se kampionati nuk cënohet dhe do të vazhdojë normalisht. Një lajm i mirë për kryeqytetasit që marshojnë drejt titullit kampion. Ata duket se do të festojnë 100 vjetorin me një trofe madhor. Tirana ka udhëtuar drejt Gjirokastrës, teksa nesër në orën 17:00 do të luajë përballë Luftëtarit vendas.

VAZHDO TË LEXOSH MË TEPËR PËR TEMËN


Reagimi pas urdhërit të Ministrisë për teste

FSHF: Burokratët e paditur duan të na lënë pa futboll