“Rikthimi i Mike Tyson është një idiotësi. Ai nuk e kupton se mund të vdesë në ring. Nëse ai vendos të duelojë realisht ndaj Tyson Fury për titullin kampion, rrezikon shumë. Bëhet fjalë për një duel mes një 31 vjeçari dhe një 53 vjeçari që nuk ka kuptim dhe nuk duhet ta inkurajojmë”.
I këtij mendimi është boksieri britanik Dillian Whyte, që nuk e sheh si shumë pozitiv faktin e rikthimit në ring të boksierit amerikan Mike Tyson, ish-kampion bote në peshën e rëndë. “Çdo të ndodhë nëse atij i ndodh gjë në ring? Mjaft baltë kemi hedhur në këtë sport, nuk kemi më nevojë për të tjera tragjedi”, – tha White.
“Të gjithëve na pëlqen të bëjmë disa video e t’i postojmë në Instagram, por tjetër gjë është të zhvillosh një duel me 12 raunde. Në moshën e Mike tjetër gjë të thotë mendja dhe tjetër gjë bën trupi. Ai është një legjendë, të mbesë ashtu. Mund të dëmtohet rëndë, ky është shqetësimi im më i madh”, – u shpreh boksieri britanik
VAZHDO TË LEXOSH MË TEPËR PËR TEMËN
Burgu, droga, dhuna…jeta e errët e Mike Tyson
Tyson Fury kundër Mike Tyson? Po, e mundur…
“Po e pres vdekjen, nuk kam frikë prej saj”
