“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacientja: Gjyshja ime vuan nga myku i gojës: gjuhën e ka të skuqur me disa puçrra të bardha dhe i djeg shumë. Ka marrë antibiotikë, por nuk i kanë bërë efekt. Ajo është 71 vjeçe. Ju lutem, më rekomandoni se si mund të mjekohet.
Mjeku: A ka bërë gjyshja një mbjellje të mykut para përdorimit të antibiotikut? Kjo do të na ndihmonte të kuptonim nëse antibiotiku ka vepruar. Mbjellja i vë emrin llojit të mykut dh etregon se me cilin bar mund të mjekohet. Këtë do ta rekomandoja si hap të parë. Nëse gjyshja sapo ka mbaruar trajtimin me antibiotik, të lutem të pressh 1 javë, pastaj të procedosh. Në farmaci mund të pyesësh ndërkohë për pomada që lehtësojnë djegiet e gjuhës që t’i përdorë përkohësisht deri në sqarimin e situatës.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
