Shumë prej nesh shpesh shikojnë telefonat inteligjentë ndërsa ecin për të ndihmuar në gjetjen e rrugës apo edhe për të kaluar kohën.
Por duke vepruar kështu së shpejti mund të jetë e paligjshme në qytetin Yamato, në prefekturën Kanagawa, Japoni qendrore.
Këshilltarët e qytetit janë vendosur të votojnë mbi një propozim për të ndaluar aktivitetin pasi kërkimet raportojnë se shumë njerëz po shikonin në telefonët e tyre ndërsa ecnin.
Studiuesit vëzhguan 6,000 njerëz që ecin përgjatë dy stacioneve të trenave në Yamato dhe zbuluan se 12 përqind e tyre po shikonin në telefonat e tyre, shkruan Daily Mail.
Ajo ka bërë që disa politikanë në qytet të propozojnë ndalimin e veprimtarisë.
Ata pretendojnë se ka pasur një rritje të lëndimeve midis njerëzve që ecnin ndërsa shpërqendroheshin nga telefonat e tyre.
Nëse votimi i qershorit kalohet, Yamato do të bëhet qyteti i parë në Japoni që do të ndalojë ecjen ndërsa shikon në telefon.
Ligji i ri do të përcaktojë sjelljen ofenduese si ‘ecje ndërsa shikon në ekranin e një smartphone ose pajisje tjetër’.