MENU
klinika

Dakordësi për ndonjë pikë?

“Zgjedhorja”/ Përfundon takimi i ambasadorëve me Këshillin Politik

02.06.2020 - 19:02

Përfaqësuesit e partive politike në Këshillin Politik kanë përfunduar pak më parë takimin me ambasadoren e SHBA në Tiranë Yuri Kim, në rezidencën amerikane.

Rudina Hajdari, Oerd Bylykbashi, Petrit Vasili dhe Damian Gjiknuri zhvilluan në rezidencën amerikane takimin e dytë me Yuri Kim, ndërsa morën pjesë dhe ambasadori Soreca dhe ambasadori i Britanisë Norman. Palët janë takuar sërish paraditen e sotme me tre ambasadorët, ndërsa nuk dihet nesë kanë arritur dakordësinë për ndonjë nga pikat e Reformës.

kolana e librave

Ambasadorja e SHBA u vu në lëvizje pasi më datë 31 maj, që ishte dhe afati fundit, nuk u arrit një marrëveshje mes palëve politike për Reformën Zgjedhore. Të dielën, pas një mbledhjeje disa orëshe në Këshillin Politik palët nuk arritën në marrëveshje, duke mos rënë dakord për të paktën 2 pika, për identifikimin biometrik dhe reformimin e administratës zgjedhore.

Pas pak minutash pritet që diplomatja Amerikane Yuri Kim të dalë vetë në një deklaratë për mediat për të dhënë detaje nga takimi.