Arrestohet pronari i “Bar Barons” në Durrës i cili kishte ndërhyrë në kolonat e pallatit dhe si pasojë u shemb ndërtesa 6 katëshe nga tërmeti i fuqishëm. Kujtojmë se si pasojë e shembjes së pallatit humbën jetën dy persona.
Sipas informacioneve zyrtare bëhet me dije se në pranga ka rënë Artur Terziu, i cili hoqi kolonat e pallatit për të pasur më shumë hapësirë për lokalin e tij e për rrjedhojë pallati në Durrës u shemb totalisht.
Njoftimi:
Kishte bërë ndërhyrje në biznesin e tij lokal dhe për pasojë u shemb pallati 6-katësh nga tërmeti i datës 26.11.2019, Policia e Durrësit ndalon pronarin e lokalit “Barons”, i cili ishte i shpallur në kërkim për veprën penale “Vrasja në rrethana të tjera cilësuese”.
Specialistët për Hetimin e Krimeve në Komisariatin e Policisë Durrës ekzekutuan urdhrin e ndalimit për shtetasin A. T., 44 vjeç, banues në Durrës.
Për këtë shtetas, Gjykata e Shkallës së Parë Durrës ka caktuar masën e sigurisë “Arrest në burg “, pasi dyshohet se nga ndërhyrjet që ka bërë në biznesin e tij lokal, në lagjen nr. 6 dhe nga tërmeti i datës 26.11.2019 është shembur pallati 6-katësh dhe si pasojë humbën jetën 2 shtetase.
Materialet i kaluan Prokurorisë së Rrethit Gjyqësor Durrës, për veprime të mëtejshme.
VAZHDO TË LEXOSH MË TEPËR PËR TEMËN
“Nuk cënohen shërbimet, pagat dhe pensionet”
“Ja pse tërmeti i 26 nëntorit ishte më i frikshmi, unë prisja të …”
