10.07.2020 - 07:56
Rreth orës 07:45, të mëngjesit të sotëm në akuariumin e portit Durrës, është gjetur i mbytur një shtetas i seksit mashkull, i dekompozuar.
Policia njoftoi se po punon për identifikimin e kufomës së dekompozuar.
Paraprakisht mendohet se gjetja e kufomës lidhet me një ngjarje të fundjavës së kaluar kur 4 shtetas të huaj, marokenë dhe sirianë, u hodhën në det, në tentativë për të lundruar drejt një trageti.
Tre prej tyre u sprapsën nga forcat e kufirit, ndërsa i katërti nuk u gjet dhe dyshohet të jetë personi që u gjet sot pranë kalatës nr.5 të portit.
