MENU
klinika

La Liga, Java 35

Mjafton Suarez, Barcelona presion Real Madridit

08.07.2020 - 23:01

Mjafton një gol dhe Barcelona fiton 1-0 derbin ndaj Espanyol. Fitore minimale, por që vë nën presion Real Madrid, që tashmë ndodhet vetëm një pikë para Barcelonës. Por Los Blancos kanë një ndeshje më pak.

Fitorja 1-0 e katalanasve, që ka vulosur rënien nga kategoria të Espanyol, ka ardhur në minutën e 56-të të pjesës së dytë falë një goli të Luis Suarez. Pak minuta para golit të uruguaianit të dy skuadrat kanë mbetur me 10 lojtarë pas dy kartonëve të kuq të dhënë në harkun e tri minutave për ndërhyrje të rrezikshme.

Ansu Fati është ndëshkuar për Barcelona-n në minutën e 50-të, ndërsa Lozano e ka ndjekur në dhomat e zhveshjes në të 53-ën. Topi tani i kalon Real Madridi-t, që do të ketë mundësinë të kundërpërgjigjet të premten në mbrëmje kur do të presë në shtëpi Alaves-in.

VAZHDO TË LEXOSH MË TEPËR PËR TEMËN