Një raketë e re ruse, Soyuz-2.1b, do të hedhë satelitët e brendshëm të komunikimit të tipit Gonjec në orbitë në vjeshtë, si dhe 15 satelitët e vegjël nga vendet e tjera, njoftoi Vitaly Safonov, zëvendësdrejtori i përgjithshëm i agjencisë hapësinore tregtare Glavkosmos të Rusisë.
Ai tha se, përveç satelitëve nga vendet e tjera, katër satelitë të vegjël nga universitetet ruse do të përfshihen në barrën shtesë.
Safonov tha se, si pjesë e programit rus hapësinor, më shumë se 140 satelitë të vegjël janë futur në orbitë afër Tokës, së bashku me satelitët e tjerë, që nga viti 2014, dhe se mundësia e hedhjes së tyre në orbitat gjeostacionare aktualisht është duke u hetuar.
Nisja e satelitëve ushtarakë
Në të njëjtën kohë vitin e kaluar, Rusia dërgoi katër satelitë ushtarakë në orbitë rreth Tokës me një raketë Soyuz, të nisur nga kozmodromi Plesetsk, në veri.
“Njësia e Forcave Ajrore ka lëshuar me sukses një raketë Soyuz 2.1V me një bllok prej katër satelitësh për nevojat e Ministrisë së Mbrojtjes,” tha një zëdhënës i ushtrisë.
Lloji i satelitit dhe cili do të jetë roli i tyre nuk specifikohet.
