Cristiano Ronaldo shumë pranë arritjeve dhe rekordeve të tjera. Juventus humbi dhe mori barazim në dy ndeshjet e fundit, por portugezi shënoi 3 gola, edhe pse dy me penallti. CR7 është duke shijuar një moment të madh: 32 gola në sezon, 18 prej të cilëve i ka realizuar në vitin 2020.
Numra monstruozë, që automatikisht vendosin themelet për arritjen e ojektivave individuale ekstra-luksoze. Thjesht mendoni, për shembull, klasifikimin e golashënuesve, me Immobile në krye, që duhet arritur.
Portugezi mendon seriozisht për “Këpucën e Artë” në Serie A. Me pak fjalë, motivimin e ka të madh, edhe nëse titulli kampion sigurohet së shpejti matematikisht. Ylli portugez ka dëshmuar se di ta thotë me të madhe fjalën e tij midis ligës përkatëse dhe Champions-it, kudo ka luajtur.
Për sa i përket hegjemonisë italiane, falë frenimit të konkurrentëve të drejtpërdrejtë, “Këpuca e Artë” është tani më afër. Ndërsa në Europë, që ka mjaft rëndësi, duke marrë parasysh shfaqjet e fundit të “Zonjës së Vjetër”, objektivat e mëdhenj mund të përfaqësojnë fatkeqësi dhe iluzion.
Bardhezinjtë, në të vërtetë, në ndeshjet më të fundit kanë treguar kujfi të dukshëm strukturorë, të cilët, me fjalë të thjeshta, dëshmojnë se grupi ende nuk flet gjuhën e Maurizio Sarrit. Kjo nënkupton se kufijtë për përmirësim nuk mungojnë. Qëllimi madhor i Juventusit është Champions-i.
Cristiano Ronaldo zbarkoi në Torino për të provuar të prishë agjërimin në këtë kompeticion. Ai, së bashku me Leo Messi, përfaqësojnë diçka unike në një shkallë globale. E pamundura mund të bëhet e mundur dhe magjike, falë portugezit.
Tifozët e Juventusit e panë ardhjen e tij në funksion të suksesit jashtë Italisë, në emër të ideve dhe mbi të gjitha, largpamësisë. E gjitha kjo, duke u mbështetur në yllin luzitan. Në sezonin e parë në Itali, CR7 pati një rrugëtim të pazakontë: 43 ndeshje dhe 28 gola.
Sigurisht, këto shifra duhen kontekstualizuar në raport me moshën, tashmë 35-vjeçare, por në terma të përgjithshëm del e qartë sesi ndryshimi teknik ka ruajtur pjellorinë e dikurshme te Real Madridi.
Sarri tentoi ta aktivizonte si sulmues qendror, një eksperiment i dështuar në tërësinë e tij. Në moshën 35 vjeç, të mendosh për karrierën e tretë është një gjë e mirë dhe e duhur, madje edhe më shumë duke marrë parasysh peshën specike të personit në fjalë.
Tani për tani ai është i përqendruar te ngjarjet aktuale. Duke menduar për Sassuolon. Një mundësi për gola të tjerë, duke i bërë presion rivalit kryesor të “Këpucës së Artë” në Serie A, Ciro Immobile. E thënë në shifra, laciali ka 29 gola, juventini 28, por përballja direkte është Juventus-Lazio.
Ambiciet shkojnë përtej Serie A. Lewandowski e ka mbyllur në kuotën e 34 golave në Europë. Ronaldo është 6 gola larg, nëse shënon në cdo ndeshje, e arrin. Me titullin në xhep, Juventus mund të luajë pak edhe për portugezin, për të derdhur pastaj bateritë në Champions League.
Dhe nëse Juve fiton trofeun, a dyshoni për “Topin e Artë” të gjashtë të Ronaldos? Për 40 ditë Ronaldo luan ndoshta vitin e fundit të suksesshëm të tij…Gjithsesi, portugezi nuk do të dalë pa tituj, sido që të jetë.
VAZHDO TË LEXOSH MË TEPËR PËR TEMËN
Ronaldo 34 vjeç, por theu rekordin historik
CR7 tregon çfarë do të bëjë kur të tërhiqet
Cristiano Ronaldo “1000 vjeç” me plot rekorde
