MENU
klinika

Fitoi sot 12-1

Vllaznia e femrave merr titullin e shtatë radhazi

08.07.2020 - 13:53

U shty vetëm 4 ditë festa e titullit dhe Vllaznia në futboll për femra. Paraditen e së mërkurës është kurorëzuar kampione e Shqipërisë. Ky është trofeu i shtatë që fitohet prej këtij ekipi dhe që sivjet u festua një javë para fundit të kampionatit.

Vajzat kuqeblu kanë fituar sot 12-1 me Kinostudion në ndeshjen e luajtur në fushën sportive “Reshit Rusi”. Pesë nga golat e këtij takimi janë shënuar nga Megi Doçi, ndërkohë që tre të tjerë janë shënuar nga Lufo, ndërsa autore golash do të ishin edhe Bajraktari, Shala, Borci dhe Wai.

 

Në fund të ndeshjes, pjesëtaret e këtij ekipi kanë hapur shampanjën e titullit, por kuptohet që festa e madhe do të jetë pas ndeshjes së fundit të kampionatit. Kupa dhe medaljet për ekipin e Vllaznisë do të jepen pas ndeshjes së fundit të kampionatit, asaj që do të luhet të shtunën pasditen në stadiumin “Loro Boriçi” ndaj ekipit Tirana AS.