Një varrezë tumulare e periudhës së Bronzit të vonë, që i përket shekullit Xll-XV para Krishtit, është zbuluar sot në Himarë.
Është kreu i Unionit të Gazetarëve Shqiptarë, Aleksandër Çipa i cili bën me dije se sot kanë qenë arkeologët e Vlorës që zbuluan gjatë një gërmimi arkeologjik shpëtimi varrezën tumulare.
Sipas Çipës, ky është zbulimi i parë dhe kaq i rëndësishëm pas disa shekujsh në bregdetin jugor të Shqipërisë dhe tashmë, vendit i shtohet një tjetër zonë me varreza tumulare.
Statusi nga Aleksandër Çipa:
Ekskluzive! Ky eshte nje zbulim i madh!!!!! Shume, shume i madh per arkeologjine shqiptare dhe me gjere!!!!
Zbulim i ri arkeologjik ne Himare
-Arkeologet vlonjate zbulojne varrezen tumulare te shekullit XV-XII p. Kr-
Himare 6 korrik 2020
Nga nje germim arkeologjik shpetimi i realizuar se fundi ne Himare, nga Drejtoria Rajonale e Trashegimise Kulturore te Vlores dhe Instituti Kombetar i Trashegimise Kulturore eshte zbuluar nje varreze tumulare e periudhes se Bronzit te Vone (Shek. XV-XII p.Kr).
Sipas arkeologeve zbulimi eshte i nje rendesie te veçante, pasi eshte i pari sit arkeologjik i ketij lloji qe zbulohet ne bregdetin e Himares, duke i’a shtuar Hartes Arkeologjike te Shqiperise edhe nje zone tjeter me varreza tumulare. Ky eshte padyshim zbulimi i pare dhe kaq i rendesishem pas disa shekujsh ne token shqiptare ne bregdetin jugor.