MENU
klinika

Pritet emërimi te Partizani

E lajmëron vetë, Ilir Daja ikën nga Skënderbeu

08.08.2020 - 16:39

Kishte lënë të kuptohet prej kohësh, para përfundimit të sezonit, tashmë e bën vetë fakt të kryer. Ilir Daja i ka dhënë lamtumirën klubit të Skënderbeut, duke u larguar nga klubi korçar.

Zyrtarizimin ai e ka bërë nëpërmjet rrjeteve sociale, me një mesazh drejtuar sidomos tifozërisë me të cilën krijoi një lidhje të ngushtë gjatë viteve kur Skënderbeu shkroi historinë në Shqipëri dhe Europë.

“Korça më ka bërë të ndihem si në shtëpinë time, për qytetarinë, kulturën dhe respektin që e kam hasur kudo, si dhe për miqtë e shumtë që më kanë mbështetur në punën time.

Skënderbeu më dha mundësine për të arritur suksese si asnjë skuadër tjetër, prandaj largimi është i vështirë. Një falenderim special shkon për tifozerinë e Skënderbeut, presidentin Ardjan Takaj, stafin tim dhe secilin lojtar veçmas.

Për gjithçka kemi përjetuar bashkë, sukseset që kemi arritur, dëshiroj që rrugët tona të bashkohen sërish një ditë, për të arritur gjëra edhe më të mëdha, se sa ato të cilat tanimë janë shkruar në histori!”, – ishin fjalët e Dajës.

Tanimë pritet thjesht zyrtarizmi i tij te Partizani, pasi palët kanë qenë prej ditësh në bisedime dhe gjithçka po shkon drejt firmës. Në deklaratën e fundit pas fitores pikërisht ndaj Partizanit, Daja la të nënkuptohet që mund të drejtojë të kuqtë.

VAZHDO TË LEXOSH MË TEPËR PËR TEMËN