Policia e Gjirokastrës ka gjetur sot të pajetë një 57-vjeçar, ndërsa dyshohet se ky shtetas është goditur me sende të forta.
57 vjeçari G.S është gjetur i pajetë në mjetin e tij tip kamionçinë në aksin rrugor rural Polican-Suhë.
Dyshohet se autori i krimit ka qenë duke udhëtuar në makinë me shoferin e kamionçinës dhe mes tyre ka pasur një konflikt të çastit që më pas ka degjenuar në përdorimin e armëve të ftohta.
NJOFTIMI
Në aksin rrugor rural Polican-Suhë, shtetasi G. S., 57 vjeç, banues në Gjirokastër, në rrethana ende të paqarta është gjetur i pajetë në mjetin e tij tip kamionçinë.
Nga këqyrja paraprake dyshohet se është goditur me sende të forta.
Shërbimet e Drejtorisë Vendore të Policisë dhe të Komsiariatit të Policisë Gjirokastër kanë ngritur pika kontrolli dhe po kontrollojnë zonën për shoqërimin e personave të dyshuar si autorë të ngjarjes apo që mund të kenë dijeni për ngjarjen.
Grupi hetimor, nën drejtimin e Prokurorisë së Rrethit Gjyqësor Gjirokastër, po vijon punën për sqarimin e rrethanave të ngjarjes, me qëllim identifikimin dhe kapjen e autorëve.
