A ishte gjithçka për asgjë?
Me Spanjën, Franca dhe Gjermania që regjistrojnë numrin më të madh të rasteve të viruseve që kur ato dolën nga karantina, rreziku që Europa të “zbusë” koronavirusin zhduket dita-ditës.
Shpresa ishte që ne të mund të hiqnim kufizimet sociale këtë verë sepse njerëzit kanë shumë më pak gjasa të marrin virusin kur ata janë jashtë duke shijuar motin e ngrohtë.
Ekonomitë evropiane varen nga turizmi dhe nuk mund të përballojnë një sezon me restorante bosh. Linjat ajrore dhe hotelet do të merrnin fund pa prenotime të reja, dhe ata zbatuan masa të reja higjene për të siguruar klientët. Njerëzit ishin të dëshpëruar për të parë përsëri miqte dhe familjen.
Rreziku është rikthyer. Rastet po shtohen në Evropën perëndimore. Gjermaniau lavdërua për menxhimin e situates në fillim të pandemisë, por regjistroi më shumë se 2,000 raste të reja të shtunën, shifrat më të larta ditore që nga prilli.
Një faktor i madh ka qenë rifillimi i udhëtimeve brenda-evropiane, përfshirë njerëzit që shkojnë me pushime ose vizitojnë familjen dhe miqtë. Pothuajse 40% e rasteve të fundit gjermane mendohet se janë infektuar jashtë vendit, sipas Institutit Robert Koch. Është e ngjashme me Italinë, ku gati një e treta e rasteve të reja erdhën nga jashtë. Italianët që pushojnë në Sardenjë e kanë sjellë përsëri virusin në kontinent.
Gjithashtu ka pasur shumë raste nga festat. Franca, me gati 5000 infeksione të reja të raportuara të dielën, thotë se ky është burimi kryesor i rasteve të reja.
Kancelarja gjermane Angela Merkel thotë se Evropa duhet të shmangë mbylljen e kufijve përsëri “me çdo kusht”.
Lëvizja e lirë është thelbësore për projektin e BE-së, dhe mbyllja e kufijve kontribuoi në një kolaps në prodhimin ekonomik në pranverë. Megjithatë, politikanët nuk mund ta injorojnë faktin që njerëzit po marrinvirusin jashtë vendit dhe e sjellin atë në shtëpi.
Duhen teste dhe monitorim shumë më rigoroz i udhëtarëve që kthehen dhe rregulla shumë më të rrepta për grumbullimet.
Me afrimin e mbylljes së sezonit të udhëtimit veror, problemi i kthimit të udhëtarëve duhet të zvogëlohet disi. Por dëmi ekonomik i bërë nga ky pik i ri është tashmë i konsiderueshëm.
Ekziston gjithashtu një rrezik që infeksionet të fillojnë të përhapen nga të rinjtë tek të moshuarit, dhe që shkollat do të mbyllen përsëri, makthi i çdo prindi.
Në dy javët e para që nga rihapja e tyre, më shumë se 40 shkolla në Berlin kanë raportuar tashmë raste të viruseve, duke detyruar nxënësit dhe mësuesit të karantinohen, sipas Associated Press.
Merkel dhe Presidenti i Francës Emmanuel Macron thonë se ata janë të vendosur për të shmangur kufizimet e reja, por ata duhet të marrin situatën nën kontroll. Ka shumë qeveri që mund t’ia dalin pa vendosur masa drakoniane.
Në Gjermani kontrollet për udhëtarët që kthehen janë falas. Sidoqoftë, autoritetet lokale shëndetësore nuk kanë gjithmonë aftësinë të monitorojnë pasagjerët që kthehen për të siguruar që ata janë testuar ose karantinuar.
Shtimi i rasteve nga dasma dhe festave private nuk ishte aspak tronditje sepse rregullat rreth grumbullimeve ndryshojnë shumë. Shteteve federale u lejohet të vendosin vetë. Në të kundërt, Anglia kufizon grumbullimet private në maksimum 30 persona dhe qeveria ka kërcënuar me gjobë prej 10,000 paund (13,000 dollarë) për shkelje. Irlanda ka shtrënguar kufizimet në mënyrë që vetëm gjashtë persona të mund të takohen brenda shtëpive.
Në qoftë se Evropa nuk merr masat e duhura, vendet mund të detyrohen të marrin masa edhe më të ashpra për të mbrojtur popullsinë e tyre. Muajt e vjeshtës dhe të dimrit nuk do të jenë të lehtë por të vepruarit tani mund të shmangë vështirësitë e panevojshme.
Chris Bryant është një kolumnist i Opinion i Bloomberg. Ai më parë ka punuar për Financial Times.
Përkthyer dhe përshtatur nga Bloomberg/ Konica.al
VAZHDO TË LEXOSH MË TEPËR PËR TEMËN
A mund ta bashkojë koronavirusi BE-në e përçarë?
A po tregohet egoiste Gjermania?
“E dashur Ursula, trego më shumë ambicie, guxim dhe unitet”!
