Pas mbylljes së maternitetit të Lushnjës ku rezultoi pozitive me COVID-19 një mjek gjinekolog, gratë shtatzënë janë paraqitur në maternitetin e Fieri.
Vetëm dje dhe sot 5 gra nga zona e Lushnjës kanë sjellë në jetë vogëlushët e tyre në maternitetin e Fierit, ndërsa vijojnë konsultat edhe paciente të tjera.
Burime nga materniteti i Fierit kanë bërë me dije se është koordinuar puna që grave shtatzënë të mos u mungojë konsulenca mjekësore gjatë kësaj periudhe ndërsa është mundësuar edhe gjithë shërbimi i nevojshëm përpara dhe pas lindjes. Po të njëjtat burime kanë bërë me dije së materniteti i Fierit i ka të gjitha kapacitetet për të përballuar një fluks të mundshëm deri në normalizimin e situatës.
Një ditë më parë një mjek gjinekolog i maternitetit të Lushnjës rezultoi pozitiv me COVID, duke çuar me pezullimin e shërbimit në maternitetin “Ihsan Çabej” deri në daljen e rezultateve të të gjithë tamponëve të marrë edhe tek pjesa tjetër e stafit. Deri në një njoftim të dyte, të gjitha shërbimet do të kryhen ne maternitetin e Fierit dhe në qendrat shëndetësore të Lushnjës.
VAZHDO TË LEXOSH MË TEPËR PËR TEMËN
Mbyllja e maternitetit të Lushnjës, gratë transferohen në Fier
