Një shqiptar sërish në krye të Kuvendit të Maqedonisë

Talat Xhaferi është rizgjedhur edhe njëherë në krye të Kuvendit të Maqedonisë së Veriut.

Lajmi është bërë i ditur nga mediat vendase, që njoftojnë se Xhaferi ka marrë 62 vota pro për të qenë në krye të Kuvendit tëv Maqedonisë edhe për 4 vitet e ardhshme.

Për zgjedhjen e Talat Xhaferit në krye të Kuvendit votuan 62 deputetët e Koalicionit qeverisës.

Ata ishin 46 nga Koalicioni “Mundemi”, 15 nga BDI dhe Menduh Thaçi nga PDSH.

Ndërkohë koalicioni ASH-AAA ashtu siç kishte paralajmëruar edhe më herët ka braktisur sallën në momentin e votimit.