Situata në sportin e tenisit vijon të jetë kaotike për shkak të pandemisë së Covid-19. Në Palermo u zhvillua turneu i parë zyrtar pas 4 muajsh ndërprerje prej koronavirus.
Turneu për femra u fitua nga një emër pak i njohur, tenistja italiane Fiona Ferro, që mundi në finale estonezen Anett Kontaveit me rezultatin 2-0 (6-2, 7-5). Një turne që ishte një test për këtë sport, që nga 1 gushti ka nisur zyrtarisht veprimtaritë e tij.
Ndërsa organizatorët e turneut Masters të Madridit kanë vendosur ta anulojnë eventin (22-27 shtator). Ky vendim u morr si pasojë e rritjes së rasteve me koronavirus në Spanjë. Turneu i Madridit ishte spostuar nga maji në shtator dhe do të niste menjëherë pas përfundimit të US Open dhe një javë para Roland Garros.
“Kemi analizuar me kujdes situatën, por mendojmë se ky është vendimi i duhur. Kemi ndjekur rekomandimet e autoriteteve, ndaj për shkak të pandemisë vendosëm ta anulojmë atë”, – thanë organizatorët e Mutua Madrid Open.
VAZHDO TË LEXOSH MË TEPËR PËR TEMËN
