Na ndan gati edhe një javë nga përfundimi i sezonit të rregullt në NBA. Një pjesë e mirë e skuadrave kanë blinduar pozicionet e tyre për në play-off dhe natyrisht edhe nuk e kanë motivimin e duhur.
Kështu është me kampionët në fuqi të Toronto Raptors, që pasi fituan 3 ndeshje radhazi pas rifillimit, u ndalën sot 100-122 ndaj Boston Celtics. Në kushte të tjera do të quhej një humbje katastrofë, por kanadezët e kanë siguruar vendin e dytë në Konferencën e Lindjes, ndërsa Boston vendin e tretë.
Fitore spektakolare e Memphis Grizzlies, që triumfon 121-92 ndaj Oklahoma City Thunder. Plot 29 pikë diferencë, shumë e rrallë kjo në NBA. Një sukses që mban Grizzlies në vendin e fundit (të tetë) që të dërgon në play-off, por që ende nuk e ka siguruar.
REZULTATET
San Antonio Spurs – Utah Jazz 119-111
Memphis Grizzlies – Oklahoma City Thunder 121-92
Brooklyn Nets – Sacramento Kings 119-106
Philadelphia 76ers – Orlando Magic 108-101
New Orleans Pelicans – Washington Wizards 118-107
Toronto Raptors – Boston Celtics 100-122
