Si asnjëherë më parë, janë 8 futbollistë të Kombëtares shqiptare që u aktivizuan në sezonin e fundit në Serie A. Tre prej tyre janë përzgjedhur në “Top 100” të këtij sezoni nga “Tuttomercatoëeb”, duke marrë për bazë notat mesatare.
Pozicionin më të lartë në listën e më të mirëve e mban Etrit Berisha, i cili renditet në vendin e 15-të në klasifikim. Një befasi, pasi ekipi i tij SPAL u rendit i fundit. Gardiani shqiptar ka notën mesatare 6,44, duke qenë padyshim një nga portierët më të spikatur të Serie A.
I dyti për nga shqiptarët është portieri tjetër Thomas Strakosha, që renditet në vendin e 56-të, me një mesatare note prej 6,21 për këtë edicion. TMË thekson se Strakosha është i besueshëm dhe ka vazhdimësi, me Lazion që do të luajë në Champions.
Shqiptari i tretë mes 100 më të mirëve të këtij sezoni është Marash Kumbulla. Zbulimi i edicionit te Verona mban vendin e 75-të me mesataren 6,17 dhe portali në fjalë thekson se ai ka lënë mbresa sidomos deri në periudhën para ndërprerjes së pandemisë.
Jashtë 100-shes mbeten Berat Gjimshiti, Elseid Hysaj, Kastriot Dermaku, Emanuele Ndoj e Giacomo Vrioni, por me futbollistin e Atalantës, i cili i afrohet më shumë këtij grupi elite, pasi ka pasur një mesatare mbi 6 gjatë këtij edicioni.
VAZHDO TË LEXOSH MË TEPËR PËR TEMËN
Jo vetëm Strakosha, tjetër portier shqiptar te Lazio
Kumbulla: Më duket akoma si ëndërr
