Turqia ka shprehur shqetësimin dhe zemërimin e saj nga vizita e Sekretarit të Shtetit të SHBA-së në Greqi.
Në veçanti, një zëdhënës i Partisë qeverisëse të Drejtësisë dhe Zhvillimit (AKP) të Turqisë akuzoi Sekretarin e Shtetit të SHBA Mike Pompeo për unilateralizëm dhe tha se qëndrimi i tij nuk është i drejtë.
Ömer Çelik, zëdhënësi i AKP, madje i bëri thirrje Pompeos të mbajë një qëndrim neutral sepse vizitat dhe deklaratat e njëanshme japin mesazhe të gabuara.
Në të njëjtën kohë, ai bëri edhe një herë deklarata provokuese në lidhje me synimet e Ankarasë në çështjet greko-turke në Mesdheun Lindor.
“Turqia është një vend i diplomacisë nëse ata duan të zgjidhin problemin me diplomacinë, por nëse ata nuk duan, ne do ta zgjidhim atë në fushën e betejës,” tha ai.
Dje Kryeministri Grek Kyriakos Mitsotakis dhe Pompeo zhvilluan një vizitë në objektet ushtarake të bazës Souda në Kretë.
Mitsotakis dhe Pompeo u udhëzuan dhe u informuan nga komandantët e dy bazave, Amerikane dhe Greke, dhe më pas shkuan në bazën detare në Marati në skelën K14. Në të njëjtën kohë, ata u drejtuan në një fregatë Greke të vendosur në port.
Gjatë konferencës së djeshme, zëdhënësi i qeverisë Stelios Petsas, theksoi, ndër të tjera, se “vizita e Sekretarit të Shtetit të SHBA, vizita e dytë në vetëm një vit, pasqyron rolin kryesor që Selaniku luan si një qendër zhvillimi për rajonin e Ballkanit dhe Souda për planifikimin gjeostrategjik në Mesdheun Lindor dhe Lindjen e Mesme. ”
Kërcënimet e Turqisë për luftë me Greqinë vijnë pasi ajo tashmë është e përfshirë në disa konflikte në Armeni, Siri, Libi dhe Irak.
Pëkthyer dhe përshtatur nga Greek Ciyt Times/ konica.al
VAZHDO TË LEXOSH MË TEPËR PËR TEMËN
‘Le Monde’: Erdogan s’do heqë dorë nga qëllimet e tij!
“Aleanca juaj e ligë. Ja pse iu kthyem kërkimeve në Mesdhe!”
‘Erë lufte’: anije luftarake turke në ujërat greke, Athina njofton NATO
