19.09.2020 - 07:33
Një aksident është regjistruar mbrëmë në aksin rrugor Pogradec-Drilon, ku për pasojë i plagosur ka mbetur një person.
Nga të dhënat mësohet se drejtuesi i mjetit ka humbur kontrollin e makinës tip “Benz” duke u përplasur me një shtyllë ndriçimi dhe më pas me murin e një banese.
Për shkak të përplasjes është plagosur pasagjeri, ndërsa ai ndodhet në spitalin e Pogradecit. Policia po heton në lidhje me shkaqet e aksidentit.
