Derbi londinez mes Tottenham dhe Chelsea, i vlefshëm për 1/8 të Carabao Cup, ka përfunduar 1-1 brenda 90 minuta. Vëmendjen kryesore e mori debati mes Mourinhos dhe Lampard, dy trajnerët e skuadrave përkatëse.
Ndeshja është zhbllokuar në minutën e 19-të. Kanë qenë miqtë që kanë kaluar në avantazh. Autori i golit, i pari për të në një ndeshje zyrtare me fanellën e Chelsea-t, ishte Timo Werner. Gjermani ka mposhtur Lloris me një goditje të pakapshme.
Pak minuta më vonë, trajneri i Tottenhamit, Jose Mourinho, u kap me Frank Lampard, trajner i Chelsea, që e ka pasur futbollist kur drejtonte vite më parë Blutë. Ai i kërkoi të mos fliste shumë dhe diçka të tillë po e shpjegonte dhe me duar. Lampard u kundërpërgjigj menjëherë.
Old friends Lampard and Mourinho are exchanging a few words on the touchline here at the Tottenham Hotspur Stadium.
Watch live now on Sky Sports Football ?
Follow online here: https://t.co/dx2azGi4yc pic.twitter.com/R3zc8gLMtE— Sky Sports Football (@SkyFootball) September 29, 2020
Gjithsesi, në pjesën e dytë Tottenham luajti më mirë dhe në 84’ erdhi goli i barazimit nga Lamela. Mbyllet 1-1, me fituesin që u vendos nga nga penalltitë. Tottenham shkon në 1/8 finale të Carabao Cup pasi realizoi 5 penallti të sakta, ndërsa për Chelsea humbi të fundit Mount.