24.09.2020 - 13:02
E rëndë në Elbasan, qëllohet me armë zjarri ndaj policisë. Ngjarja ka ndodhur në lagjen “5 maji” të qytetit.
Mësohet se nga të shtënat janë plagosur dy persona të cilët janë transportuar në spital.
Dëshmitarë nga vendngjarja kanë dëgjuar më shumë se 4 të shtëna ndërkohë që të shtënat vijojnë.
Mësohet se drejt efektivëve është qëlluar nga një automjet.
Policia ka rrethuar zonën dhe është në kërkim të mjetit, i cili pasi ka qëlluar është larguar nga rruga e spitalit të qytetit të Elbasanit.
