Ndonëse rruga u lehtësua, përfundon pa gjurmë aventura e skuadrës së Erzenit në Champions League në volejboll për meshkuj. Ekipi shijakas ka luajtur ndeshjet e tij të fazës paraeliminatore, Grupi A, ku arriti 2 fitore (në tavolinë) dhe 2 humbje.
Dy fitoret skuadra e Erzeni i mori në tavolinë, të dyja 3-0 ndaj kroatëve të Mladost Zagred. Ekipi kroat u tërhoq nga eventi për shkak të rregullave anti-Covid të vendosura nga autoritetet vendase.
Ndërsa dy humbjet erdhën në përballjet që Erzeni zhvilloi me ekipin hungarez të Fino Kaposvar. Të dy këto takime u mbyllën 3-0 për rivalët hungarezë, që zunë vendin e parë në Grupin A, ndërsa Erzeni u rendit i dyti.
Pas eliminimit nga Champions League skuadra shijakase do të vijojë aventurën e saj në Kupën CEV, ku përballë do të ketë skuadrën tjetër hungareze të Hebar Pazardzhik. Ndeshjet pritet të luhen në nëntor.
VAZHDO TË LEXOSH MË TEPËR PËR TEMËN
Unike në volejboll, derbi shqiptar në Europë
