Tashmë është bërë e zakonshme, që në pikat kufitare më Greqinë, pasi plotësohet kuota prej 300 personash, pala greke ndërpret punën dhe nuk lejon hyrjen e qytetarëve.
Sot paradite, në pikën kufitare të Kapshticës u plotësua kuota, ndërsa raportohet se disa persona të cilët nuk kishin bërë tamponin dhe nuk kishin plotësuar formularin nuk u lejuan të kalojnë kufirin.
Ndërkohë policia kufitare i bën thirrje qytetarëve që duan të shkojnë në Greqi, që sot mos kalojnë nga Kapshtica.
Kjo është masa parandaluese që pala greke ka ndërmarrë për mos përhapjen e Covid-19.
Njoftimi i Drejtorisë Vendore të Kufirit dhe Migracionit Korçë:
Njoftojmë të gjithë qytetarët që janë të interesuar të kalojnë në drejtim të shtetit grek, se aktualisht kuota prej 300 shtetas është plotësuar dhe nga ana e policisë greke është pezulluar puna e nuk do të lejohet kalimi i personave të tjerë për ditën e sotme.
Policia Kufitare apelon për qytetarët që duan të udhëtojnë në drejtim të Greqisë, që të mos vijojnë udhëtimin në drejtim të PKK Kapshticë për ditën e sotme.
Ju faleminderit për mirëkuptimin!
VAZHDO TË LEXOSH MË TEPËR PËR TEMËN
