Qyteti i Tel Avivit po punon për krijimin e rrugëve elektrike pa tel për të ngarkuar dhe furnizuar transportin publik në qytet.
Rrugët elektrike jane pjesë e një programi pilot të udhëhequr nga Komuna Tel Aviv-Yafo në bashkëpunim me “ElectReon”, një kompani që zhvillon një sistem që mund të karikojë automjete elektrike ndërsa janë duke lëvizur, dhe “Dan Bus Company”.
Projekti po financohet nga një kombinim i fondeve qeveritare dhe private, sipas një zëdhënësi të “ElectReon”, megjithëse një buxhet i plotë nuk është publikuar ende.
Rrugët do të shtrihen ngstacioni hekurudhor i Universitetit Tel Aviv deri në Terminalin Klatzkin në Ramat Aviv, një rrugë prej rreth 1 2 milje. Vetë rruga elektrike do të jetë rreth 0,37 milje e gjatë, pak më pak se gjysmë milje. Infrastruktura elektrike nën rrugë do të ngarkojë autobusë të pajisur posaçërisht. Sistemi përbëhet nga një sërë mbështjelljesh bakri që vendosen nën asfaltin e rrugës, sipas “ElectReon”.
“Energjia transferohet nga rrjeti elektrik në infrastrukturën rrugore dhe menaxhon komunikimin me automjetet që afrohen”, sipas faqes së internetit të kompanisë. Sa i përket automjeteve, marrësit janë instaluar në dyshemenë e automjetit për të transmetuar energji direkt në bateri gjatë ngasjes.
“Ditët e fundit janë kaluar në ndërtimin e rrugës,” i tha një zëdhënës për qytetin “CNN Business”.
“Testimet dhe provat do të kërkohen në javët e ardhshme përpara se të fillojnë operacionet e rregullta”, ka deklaruar a.
Nëse projekti pilot është i suksesshëm, komuna e Tel Aviv do të shikojë zgjerimin dhe përdorimin e rrugëve elektrike në më shumë seksione në qytet. “Plani ynë strategjik i veprimit për t’u përgatitur për ndryshimin e klimës e ka vendosur luftën kundër ndotjes në krye të agjendës mjedisore të bashkisë,” tha Ron Huldai, kryetari i bashkisë së qytetit, në një njoftim për shtyp.
“Nëse piloti është i suksesshëm, ne do të vlerësojmë, së bashku me Ministrinë e Transportit zgjerimin e tij në vende shtesë në qytet”, ka deklaruar ai.
Koha e testimit dhe integrimit të teknologjisë pritet të zgjasë rreth dy muaj, pas së cilës “Dan Bus Company” do të fillojë udhëtime të rregullta. Ky lajm vjen gjatë garës së vazhdueshme të kompanive të makinave për të nxjerrë automjete elektrike në treg.
