Los Angeles Lakers e ka çuar në 2-0 serinë e finaleve në Konferencën e Perëndimit në NBA, duke hedhur një tjetër hap të rëndësishëm drejt finaleve vendimtare. Kjo pas fitores 105-103 ndaj Denver në finalen e dytë play off.
Ndeshje e dominuar shumicën e kohës nga Lakers, por që në fund rrezikuan shumë, duke lënë rivalët të afrohen. Davis realizoi 31 pikë, shënuesi më i mirë, mbështetur nga James me 26 pikë e 11 rebound.
Denver tentoi surprizën në fund, por ishte Anthony Davis ai që realizoi koshin e fitores në sekondën e fundit. Ylli i Lakers ishte i saktë në gjuajtjen nga distanca, duke nisur festa për ekipin nga Kalifornia.
Për Denver, Jokic realizoi 30 pikë e Murray 25, por nuk u mbështetën sa duhet nga pjesa tjetër e skuadrës. Në Lindje, Miami udhëheq 2-1 serinë e ndeshjeve finale ndaj Boston.
Konferenca e Lindjes – Finale play off
Miami Heat – Boston Celtics 106-117 (2-1)
Konferenca e Perëndimit – Finale play off
Los Angeles Lakers – Denver Nuggets 105-103 (2-0)