NBA po luan fazën e fundit, finalet e play-off në secilën Konferencë. Miami Heat fitoi 106-101 ndaj Boston Cetliscs në Lindjes, duke udhëhequr 2-0 serinë e ndeshjeve. Edhe kjo sfidë, ashtu si e para, ishte me rivalitet dhe emocione deri në fund.
Miami arriti të triumfojë në 2 minutat e fundit, ku pas barazimit 95-95 u tregua më i saktë në gjuajtje. 6 lojtarë të Miami realizuan mbi 11 pikë, përfshi të 5 titullarët. Shënuesi më i mirë për Miami ishte Dragic me 25 pikë, mbështetur nga Adebayo me 21 pikë e 10 rebound.
Për Boston u dalluan Walker me 23 pikë e Tatum me 21, por që mbetën për statistikë. Nesër nisin finalet e play off-it në Konferencën e Perëndimit, ku përballë njëri-tjetrit janë Los Angeles Lakers dhe Denver Nuggets.
Konferenca e Lindjes – Finale play off
Miami Heat – Boston Celtics 106-101 (2-0)
Konferenca e Perëndimit – Finale play off
Los Angeles Lakers – Denver Nuggets
VAZHDO TË LEXOSH MË TEPËR PËR TEMËN
LeBron James vendos rekord të ri në NBA
Lakers mëson rivalin e finales, Miami fiton të parën
