Pas lëvizjes së Alvaro Morata në Torino te Juventus, Luis Suárez kalon zyrtarisht tek Atletico Madrid. Për ta njoftuar marrëveshjen e gjetur me klubin “colchoneros” mendoi Barcelona, përmes një njoftimi për shtyp, që u shfaq në faqen e saj zyrtare:
“FC Barcelona dhe Atletico Madrid kanë arritur një marrëveshje për transferimin e Luis Suarez. Klubi i Madridit do t’i paguajë FC Barcelona 6 milionë euro bonuse. FC Barcelona shpreh publikisht mirënjohjen e saj për Luis Suarez, për angazhimin dhe përkushtimin e tij, dhe i uron fat e suksese në të ardhmen”.
Atletico Madrid bëri një nga goditjet më të rëndësishme të merkatos së kësaj vere, duke siguruar një nga sulmuesit më të mirë në botë. I lidhur gjatë me Juventusin, javët e fundit, ai mbetet në Spanjë dhe do të vazhdojë të jetë një nga protagonistët absolutë të La Liga-s.
I lindur më 1987, Suarez u largua nga Barcelona pasi fitoi 4 La Liga, 4 Kupa Mbreti, 2 Superkupa Spanjolle, një Champions dhe një Botëror Klubesh. Me blaugrana-t, ai shënoi 198 gola në 283 ndeshje, respektivisht në gjashtë sezone.