Anulohet debati Presidencial në SHBA mes Trump e Biden

Përballja e dytë me Trump dhe Biden u vendosur të mbahej më datë 15 tetor, por vetë Komisioni i Debateve Presidenciale vendosi që ai të anulohej pasi asnjë nga të dy pjesëmarrësit nuk pranuan që të përballeshin virtualisht (online).

“Komisioni për Debatet Presidenciale (CPD) konfirmoi të Premten vonë, pasi Presidenti i SHBA Donald Trump dhe kundërshtari i tij Demokrat, Joe Biden, nuk ranë dakord këtë javë në lidhje me mundësinë e mbajtjes së ngjarjes në mënyrë virtuale”, shkruajnë mediat ndërkombëtare.

Ndërkohë, vetë Komisioni ka thënë se “Do ta kthejë vëmendjen në përgatitjet për debatin përfundimtar presidencial të planifikuar për 22 tetor.” Debati u vendos të mbahej virtualisht pasi Presidenti Trump doli pozitiv për COVID-19 më 1 tetor dhe pritet të rifillojë fushatën sot.

“Unë nuk do të bëj një debat virtual,” tha presidenti i SHBA në një intervistë të enjten me Fox Business Network.