Nuk ka mundur të shënojë në dy ndeshjet e fundit të Kombëtares, pavarësisht rasteve që pati, por Armando Broja gjeti dy herë rrugën e rrjetës në ndeshjen e sotme ndaj Den Haag në kampionatin holandez.
Broja e nis ndeshjen si titullar dhe ka arritur t’i shpërblejë gjithçka trajnerit, duke gjetur golin e avantazhit në minutën e 32-të. U gjend në vendin e duhur, duke goditur saktë pas një kthimi të topit nga ana e portierit të Den Haag.
Sulmuesi kuqezi ka fituar duelin me dy mbrojtës kundërshtar dhe ka goditur saktë. Megjithatë, skuadra ka mbetur me 10 lojtarë në 45 minutat e para dhe rezultati është kompromentuar jo pak.
Megjithatë, në pjesën e dytë do të ishte përsëri Armando Broja që do të shënonte dhe do të qetësonte ekipin e tij në minutën e 71’, pas një veprimi individual në zonë, duke mos i dhënë mundësi portierit të reagojë.
Gol i bukur i talentit shqiptar. Në 78’, ai zëvendësohet për të futur në fushë një mesfushor me tipare mbrojtëse. Vitesse mbron fitoren 0-1 falë golave të Brojës, duke u ngjitur në vendin e parë së bashku me Ajax nga 12 pikë.
Sulmuesi shiqptar u huazua merkaton që sapo u mbyll te Vitesse nga Chelsea dhe duket se ky ka qenë vendimi i duhur, pasi Broja po tregon një nivel shumë të lartë. Broja ngjitet në tre gola në katër ndeshje në kampionat. Mjaft produktiv po të shohim minutat që ka luajtur.
VAZHDO TË LEXOSH MË TEPËR PËR TEMËN
Armando Broja gjen golin e parë në Holandë
Nga Kumbulla te Broja, Kombëtarja e së ardhmes
