Joe Biden bëri një punë të mirë në debatin e fundit presidencial të enjten përballë Trump, sipas një sondazhi të CNN.
53% e votuesve që panë debatin thanë se Biden e fitoi ‘ndeshjen’, ndërsa 39% ishin në favor të Presidenti Donald Trump.
Shikuesit edhe një herë thanë se kritikat e Biden ndaj Trump ishin kryesisht të drejta (73% thanë se ishin të drejta, 26% të padrejta) dhe ata u ndanë lidhur me sulmet e Trump ndaj Biden (50% thanë se ishin të drejta, 49% jo).
Ky është një rezultat më pozitiv për Trump. Në një sondazh të CNN pas debatit të parë presidencial, vetëm 28% mendonin se Presidenti kishte fituar debatin dhe 67% i quajtën të padrejta kritikat e tij ndaj Biden.
Megjithatë debati i fundit nuk ndryshoi shumëçka te përshtypjet e votuesve për secilin prej kandidatëve.
Pikëpamjet në favor të Biden para debatit ndërsa pas tij 56%. Po kështu, numrat e Trump ishin të qëndrueshëm, por me trend rënës, 42% para debatit të së enjtes dhe 41% pas tij.
Sa i takon performancës së përgjithshme, 55% e vëzhguesve të debatit janë dyshues që Trump mund të marrë Presidencënm, ndërsa 41% për Biden.
Vëzhguesit e debatit të së enjtes preferuan Trump në vend të Biden për ekonominë (56% thonë se mendojnë se Trump e menazhon më mirë atë përkundrejt 44% që thonë për Biden), dhe u ndanë në mënyrë të barabartë midis të dyve për politikën e jashtme (50% preferojnë Biden, 48% Trump ).
Biden rezulton më i besuar për trajtimin e pandemisë, me një avantazh të konsiderueshëm ndaj Trump (57% Biden në 41% Trump), për ndryshimin e klimës (67% Biden në 29% Trump) dhe pabarazinë racore në SHBA. (62% Biden në 35% Trump).
Biden gjithashtu u pa kryesisht si një plan më i mirë për zgjidhjen e problemeve të vendit (54% Biden në 42% Trump), dhe votuesit u ndanë për pyetjen se cili prej tyre është udhëheqësi më i fortë (49% secili).
Edhe pse ngjarja e së enjtes ishte shumë më pak e diskutueshme sesa debati i parë presidencial, Biden ishte shumë më i prirur ti përgjigjej drejtpërdrejtë pyetjeve të moderatorit (62% kundrejt 31% që mendojnë për Trump).
Gratë ishin shumë më dashamirëse ndaj Biden në debat (60% e grave thanë se Biden fitoi, 35% Trump, ndërsa tek burrat, 47% ishin në favor të Biden fitoi, 44% për Trump).
Të pavarurit gjithashtu mendojnë se Biden fitoi (55% Biden në 36% Trump), ashtu si moderatorët (56% Biden në 37% Trump) dhe votuesit e bardhë me diploma kolegji (64% Biden kundrejt 29% për Trump).
Sa i takon grupmoshës 65 vjeç e lart, e cila mbështeste Biden në një numër të konsiderueshëm, edhe më shumë se vetë Clinton në 2016 sipas shumicës së sondazheve, vota u nda. 46% thonë se debati u fitua nga Biden, 43% për Trump, ndërsa 10% mendojnë se të dy ia dolën.
Ndërkohë votuesit poshtë moshës 45-vjeç e panë Biden si fitues, 66% kundrejtt 27% për Trump.
Marzhi i Biden mbi Trump në këtë sondazh pas debatit është vetëm 1 pikë më shumë se fitorja e Clinton ndaj Trump në një sondazh me shikuesit e debatit përfundimtar në 2016.
Marzhi i Biden është i dyti më i madhi në sondazhet e fundit të CNN pas debateve përfundimtare presidenciale, pas Barack Obamës 58% në 31% diferencë ndaj John McCain pas debatit përfundimtar të vitit 2008.
Sondazhi pas debatit i CNN u krye nga SSRS me telefon dhe përfshin intervista me 585 votues të regjistruar që panë debatin presidencial të 22 tetorit.
Marzhi i gabimit është plus-minus 5,7 pikë përqindje.
Të anketuarit fillimisht u intervistuan në fillim të këtij muaji me telefon ose në internet dhe treguan se ata kishin në plan të shikonin debatin dhe do të ishin të gatshëm të ri-intervistoheshin kur të mbaronte.
VAZHDO TË LEXOSH MË TEPËR PËR TEMËN
Çaste historike në debatet presidenciale amerikane, njihuni me disa prej tyre
ANALIZA: Debati i parë Trump-Biden
“Ëndrra juaj amerikane do të vdesë”, deklarata e fortë e Trump
