Greva e grave të naftëtarëve vijon prej 13 ditësh. Gazetari Ervis Kuçaj raportoi për “BalkanWeb” se gratë greviste nuk pranojnë të dalin nga greva, teksa kërkojnë 13 pagat e prapambetura. Ato i bënë thirrje deputeteve të vijnë t’i shohin.
“Zëri ynë nuk po dëgjohet. Përditë ndjehemi edhe më të dobëta. Nuk e dimë çfarë presin që të na japin një zgjidhje. Nuk dalim që këtu. Do të rrimë deri në vdekje. Fëmijët i kemi lënë në shtëpi e na shikojnë vetëm në televizor. Zoti kryeministër çfarë kërkojnë këto nëna këtu, vetëm 13 paga të prapambetura të fituara me gjyq, bukën e gojës dhe gjallërimin e qytetit.
Thirrje grave të parlamentit: ejani të shikoni nënat mallakastriote në çfarë gjendje janë, a keni ndjesi nëne? Nuk jemi gra për show, luftojmë për bukën e fëmijëve. Zoti kryeministër, jepi zgjidhje këtyre grave. Vërtetë thotë është privat me privat por ai është rregullator. Të kthehet në qeveri humaniste për nënat”, deklaroi Kryemadhi.
VAZHDO TË LEXOSH MË TEPËR PËR TEMËN
Gratë greviste shpërthejnë në lot/ Apel për ambasadoren Kim
Gratë naftëtare mesazh Ramës: Të ngrihet një grup negociator
Gratë e Ballshit të bashkuara në ditën e dytë të grevës
