Siç dihet, Euro 2020, do të duhet të zhvillohet në 12 shtete. Por kampionati i ardhshëm europian në kaq vende. Presidenti i UEFA-s, Aleksandër Ceferin, bëri me dije ditën e sotme se turneu ka gjasa të luhet në 11, 8, 5 ose në një shtet europian si pasojë e pandemisë së koronavirusit.
“Jemi shumë të shqetësuar për situatën, por jemi totalisht të sigurtë se kampionati europian do të luhet. Plani ynë është Euro 2020 të zhvillohet në 12 shtete, por ka mundësi ta organizojmë në 11, 8, 5 ose në vetëm një vend”, – u shpreh për televizionin spanjoll “Movistar+” presidenti Ceferin.
Nga ana tjetër, zyrtari i lartë i futbollit europian shtoi se formati i kompeticioneve të klubeve Liga e Kampioneve dhe Liga e Europës mund të zhvillohet me një takim në fazën gjysmëfinale që nga viti 2024.
“Faza finale me 8 ekipe është shumë e vështirë për t’u realizuar, por ajo me 4 skuadra në një javë do të ishte një rast i jashtëzakonshëm. Kjo mund jetë një opsion për sezonin 2024-2025”, – përfundoi presidenti i UEFA-s Aleksandër Ceferin.
VAZHDO TË LEXOSH MË TEPËR PËR TEMËN
“Nëse nuk luhet futboll, Europa dhe bota ka ndaluar”
“Vendim kriminal”, kreu i UEFA-s nën akuzë
