Los Angeles Lakers i ka nisur mbarë finalet e NBA, duke mundur 116-98 Miami Heat në ndeshjen e parë. Një takim në përgjithësi e dominuar dhe fituar me meritë nga ekipi kalifornian, që udhëheq 1-0 serinë.
Miami e nisi më mirë takimin, duke u shkëputur deri në 13 pikë në periodën e parë. Gjithsesi, shpejt situata u përmbys dhe në periodën e tretë ekipi i Lakers arriti të shkëputet deri në 32 pikë.
Te Miami ndikuan dëmtimet e Adebayo dhe Dragic, të cilët e mbyllën ndeshjen para kohe. Madje ky sezon mund të quhet i mbyllur për Dragic, që ka një dëmtim të rëndë në këmbën e majtë.
Anthony Davis me 34 pikë ishte shënuesi më i mirë për Lakers, mbështetur mirë nga LeBron me 25 pikë e 13 rebound. Te Miami u dallua Butler me 23 pikë, por i vetëm nuk mund të bëjë dot asgjë.
