Ekipi i Lakers mori titullin e 17-të në historinë e tij, një trofe që mungonte prej 10 vitesh, që kur në skuadër luante një legjendë si Kobe Bryant. Tashmë Kobe nuk jeton më, teksa aksidenti tragjik i 26 janarit i mori jetën ikonës së NBA së dhe vajzës së tij Gianna.
Të gjithë te Lakers kanë deklaruar se ky titull është pikërisht për atë, për Kobe Bryant, të bindur se legjenda e kësaj skuadre i ka vështruar e mbështetur nga lart. “Ky është një vit i veçantë për ne, për familjen Lakers. Luajtëm këto muaj pa Kobe dhe këtë tore ia dedikojmë atij”, – tha LeBron James, që u shpall edhe MVP i finaleve.
“Jam shumë i lumtur që u shpalla kampion, përmbusha një mision dhe një premtim. Ky titull është më e pakta që mund të bëjmë për Kobe”, tha më tej i emocionuar LeBron James. Edhe klubi ia ka dedikuar këtë triumf Kobe Bryant, ndërkohë që tifozët në Los Angeles kanë përmendur shpesh emrin e legjendës gjatë festimeve.
LeBron James gets it done for Kobe Bryant & Gigi. pic.twitter.com/6Smo2A4ukk
— Basketball Forever (@Bballforeverfb) October 12, 2020
VAZHDO TË LEXOSH MË TEPËR PËR TEMËN
