07.10.2020 - 07:16
Një aksident ka ndodhur në rrugën Fushë Krujë-Kurbin, në Borizanë, ku mjeti tip “Audi”, ka humbur kontrollin duke u përplasur me bordurën anësore të rrugës.
Si pasojë e përplasjes ka ndërruar jetë pasagjeri 26 vjeçar, ndërsa drejtuesi i mjetit është dërguar në spital nën kujdesin e mjekëve.
Ngjarja ka ndodhur rreth orës 06:30 e mëngjesit të sotëm.
Grupi hetimor ndodhet në vendngjarje dhe po punon për zbardhjen e ngjarjes.
