Atalanta nuk është e pathyeshme, madje pëson një thes me gola. Napoli i Gennaro Gattuso-s ka marrë një fitore bindëse në javën e katërt të Serie A. Axurrët mposhtën 4-0 Atalanta-n e mrekullive.
Sfida e luajtur në San Paolo është vendosur në pjesën e parë, në të cilët vendasit kanë shënuar plot katër gola. Lozano (23′, 27′), Politano (30′) dhe Osimhen (43′) kanë qenë autorët e golave.
Goli i ngushëllimit për miqtë është realizuar nga Lammers në të 69-ën. Kjo fitore e ka ngjitur Napoli-n në vendin e tretë të renditjes, vetëm një larg Atalanta-s dhe Milan-it që kryesojnë me 9 pikë, por kuqezinjtë kanë një ndeshje më pak.
Elseid Hysaj e nisi titullar për Napolin në krahun e majtë të mbrojtjes dhe luajti gjithë ndeshjen, ndërsa Gjimshiti për Atalantën e fut në pjesën e dytë dhe në 81’ u ndëshkua me karton të verdhë.
VAZHDO TË LEXOSH MË TEPËR PËR TEMËN
