Kreu i “Listës Shqiptare”, partia politike kryesore e shqiptarëve në Mal të Zi ka dhënë një sinjal pozitiv drejt një akordi me të mandatuarin për qeverinë e re, Zdravko Krivokapiç.
“Gjëja më e rëndësishme për ne është që parimet e vendosura nga platforma jonë politike, të cilat ua paraqitëm votuesve, do të jenë pjesë e programit të qeverisë së re. Në këtë moment, nuk ka aspak rëndësi nëse do të kemi ministra, por gjëja më e rëndësishme është fakti që ne kemi arritur një akord për të zgjidhur problemet me dialog”, tha Gjeloshaj në një deklaratë për mediat.
Ai shtoi se ishte i mendimit se partitë e pakicave nuk duhet të bashkohen me veprime të forta opozitare, por gjithnjë të bashkëpunojnë me qeveritë.
“Lista shqiptare, bisedoi me kryeministrin, i cili mbështetet nga shumica e deputetëve të zgjedhur nga populli në Parlamentin e Malit të Zi, pra 41 deputetë. Si politikanë të përgjegjshëm, ne paraqitëm programin votuesve tanë dhe i propozuam Kryeministrit që përcaktuesit themelorë të programit tonë të jenë pjesë e programit të qeverisë së re. “, tha Gjeloshaj
Ai gjithashtu njoftoi se kryeministri i mandatuar, Zdravko Krivokapiç, e informoi atë se kërkesat e tyre ishin të pranueshme që të ishin pjesë e programit të qeverisë, të modifikuar në përputhje me Kushtetutën e Malit të Zi dhe ligjet përkatëse.
“Me propozimet tona, në Mal të Zi, niveli i demokracisë mund të jetë vetëm i një niveli më të lartë. Është detyrimi ynë të luftojmë që përcaktuesit e programit që ne përfaqësojmë të pranohen nga shumica e re dhe të mos veprojmë në mënyrë të papërgjegjshme dhe të lëmë në pritje kërkesat tona dhe njerëzit tanë në baltë.
Gjëja më e rëndësishme për ne është që parimet e vendosura nga platforma jonë politike, të cilat ua paraqitëm votuesve, do të jenë pjesë e programit të qeverisë së re”, tha ai.
VAZHDO TË LEXOSH MË TEPËR PËR TEMËN
