MENU
klinika

Bill Gates bën parashikimin për pandeminë e COVID

“Nuk ka normalitet as në 2021, kura që mori Trump, e gabuar!”

14.10.2020 - 08:08

Miliarderi amerikan Bill Gates ka parashikuar se kur jetët tona mund të kthehen në normalitet nga pandemia e koronavirusit. Sipas tij, asgjë më pak se shkatërrimi i plotë i këtij virusi, nuk do të thotë kthim në normalitet.

“Mënyra e vetme për t’u rikthyer në gjendje normale është të kesh, ndoshta jo gjeneratën e parë të vaksinave, por një vaksinë super-efektive, për të eleminuar sëmundjen globalisht”, tha Bill Gates në një intervistë me NBC.

Vetëm atëherë mund të trajtojmë më në fund problemet që lindën gjatë pandemisë, në arsim dhe shëndetin mendor dhe të fillojmë një kthim në mënyrën e vjetër në një mënyrë pozitive, shtoi Gates.

Sipas parashikimit të tij, bota duhet të jetojë për vite me radhë nën masa epidemiologjike si distancimi shoqëror dhe kufizime të tjera.

Parashikimi i ri i Gates është në të vërtetë më i zymtë se ai që dha në shtator, kur ai tha se me përparimin e vaksinës, jeta mund të kthehej në normalitet deri në verën e 2021.

Gates tha se ai pret që gjenerata e parë e vaksinës kundër COVID-19 të miratohet me procedurë urgjente deri në fillim të vitit 2021. Ai nuk kurseu asnjë kritikë për mënyrën se si Shtetet e Bashkuara po trajtojnë epideminë dhe i quajti masat që po zbatohen në vendin e tij një nga më të këqijat në botë.

Ai i konsideron përpjekjet agresive të administratës Trump drejt zhvillimit të vaksinës si e vetmja gjë disi pozitive. Ai gjithashtu e quajti testimin për COVID-19 në Shtetet e Bashkuara më të keqin në botë për sa i përket asaj se kush ka qasje në testimin për sëmundjen.

Presidenti Trump gjithashtu kontraktoi COVID-19, por ndërkohë ai u kurua duke përdorur terapi eksperimentale dhe testi i fundit tregoi se ai ishte negativ për sëmundjen.

Nga ana tjetër, Gates beson se terapia që mori Trump është e gabuar kur e konsideron si një kurë për koronavirusin e ri, sepse nuk funksionon për çdo pacient, por ai pranon se kjo terapi ka treguar më së shumti efekt deri më tani në trajtimin e koronavirusit.

VAZHDO TË LEXOSH MË TEPËR PËR TEMËN


Për këtë sezon veror, ndryshe...

5 librat që rekomandon Bill Gates

Reagon manjati amerikan për konspiracionistët e Covid-19

Bill Gates synon kontrollin e botës përmes injektimit të vaksinës?