Policia ka shpallur në kërkim një 40 vjeçar, pasi plagosi me armë zjarri një person në Gjuricaj të Durrësit.
Ngjarja ka ndodhur në orët e vona të natës, ku një 40 vjeçar me iniciale G.S. nga Mirdita ka qëlluar me armë zjarri në këmbë një 36-vjeçar me iniciale E. T.
Sipas njoftimit të policisë, i plagosuri ka qenë i dënuar më parë për dhunim në banesë të kryer në bashkëpunim.
Ndërkohë autori është shpallur në kërkim nga policia.
Njoftimi i policisë:
Plagosi me armë zjarri një 36-vjeçar, identifikohet dhe shpallet në kërkim autori.
Specialistët për Hetimin e Krimeve në Komisariatin e Policisë Durrës kanë shpallur në kërkim dhe po punojnë për kapjen e shtetasit G. S., 40 vjeç, banues në Mirditë.
Ky shtetas, më datë 06.10.2020, rreth orës 01:00, në fshatin Gjuricaj, Ishëm, Durrës, pas një konflikti të çastit për motive të dobëta, ka plagosur me armë zjarri në këmbë, shtetasin E. T., 36 vjeç, banues në Ishëm, Durrës, i dënuar më parë për dhunim banese, kryer në bashkëpunim.
Shtetasi E. T. ndodhet në spital, nën kujdesin e mjekëve, jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje” dhe “Plagosja e rëndë me dashje”.
